Өмнөд Солонгост өнөөдөр (6-р сарын 3) Ерөнхийлөгчийн сонгууль явагдаж байна. Энэ нь хуучин Ерөнхийлөгч Юн Сүг Ёлын гэнэтийн цэргийн хуулиар захиргааг авах оролдлого, түүний улмаас импичментэд орж огцорсны дараа болж буй түүхэн сонгууль юм.
Сонгуульд 5 нэр дэвшигч өрсөлдөж байгаа ч гол өрсөлдөөн дараах гурван хүний хооронд өрнөж байна:И Жэ Мён (Ардчилсан нам – либерал)
Ким Мүн Су (Хүний хүч нам)
И Жүн Сог (Шинэ шинэчлэлийн нам)
Сонгуулийн онцлог:44.4 сая хүн санал өгөх эрхтэй.
Урьдчилсан санал хураалтад 15.4 сая хүн оролцсон нь 34.74% буюу түүхэндээ хоёр дахь өндөр үзүүлэлт.
Санал хураалт 20:00 цагт дуусна, дүн шөнө 12 гэхэд тодорхой болох төлөвтэй.
Шинэ Ерөнхийлөгч өнөөдөр оройн дотор албан ёсоор томилогдоно, шууд ажилдаа орно (шилжилтийн хугацаа үгүй).
Урьдчилсан судалгаагаар И Жэ Мён 10%-ийн давуу байдалтай байсан ч зөрүү багассан үзүүлэлттэй гарсан.
Хоёр гол өрсөлдөгчийн нийтлэг амлалт:Эдийн засгийн өсөлт, ялангуяа хиймэл оюун ухааны салбарыг дэмжих
Үндсэн хуульд өөрчлөлт оруулж, Ерөнхийлөгчийн 5 жилийн нэг удаагийн бүрэн эрхийг 4 жилийн хоёр удаа болгох
Сонгуулийн дүн тодорхой болмогц шинэ Ерөнхийлөгч оройноос эхлэн бүрэн эрхээ хэрэгжүүлнэ.
