Hyundai Motor компани өөрийн алдарт Porter ачааны машины цахилгаан хувилбарыг шинэчилж, энэ лхагва гарагт танилцууллаа.Шинэчилсэн Porter II Electric нь 60.4 кВт.цаг багтаамжтай лити-ион батарейтай болсон бөгөөд цэнэглэх хугацаа эрс багасч, нэг цэнэгээр 217 км зам туулах боломжтой болжээ.
Мөн замгүй газарт явах чадварыг сайжруулахын тулд батарейн байрлалыг өмнөх загвараас 10 мм өндөрт байрлуулсан байна. Үүнээс гадна, шөнийн цагаар цэнэглэхэд хялбар болгох зорилгоор LED гэрэлтэй цэнэглэх порт нэмсэн нь хэрэглэгчдэд илүү тохиромжтой болжээ.
Шинэ загвар нь гурван өөр хувилбараар худалдаанд гарах бөгөөд тэдгээрийн дунд Style Special нэртэй шинэ, хямд хувилбар ч багтсан байна.
Hyundai Motor компанийн албаны хүн:
“Цэнэглэх хурдыг нэмэгдүүлж, практик хэрэглээг сайжруулан, аюулгүй байдлыг нэмэгдүүлснээр Porter II Electric нь хэрэглэгчдэд бизнесээ өргөжүүлэх өргөн боломж олгох болно.” гэж мэдэгджээ. 
