Вашингтонд болсон уулзалтын үеэр АНУ-ын Ерөнхийлөгч Дональд Трамп: “Бид их мөнгөөр асар том бааз барьсан. Түрээсийн оронд газрын эзэмшлийг авбал сайн байна” гэж мэдэгдэв.Энэ нь Пёнтэг дэх Камп Хамфрис (гадаадад байрлах хамгийн том АНУ-ын армийн бааз)-ын талаар хэлсэн үг.
Хууль зүйн бодит байдал (SOFA гэрээ)Өмнөд Солонгос, АНУ-ын хооронд 1966 онд байгуулсан SOFA (Status of Forces Agreement)-д зааснаар:
Солонгос улс АНУ-ын цэргийн хүчнүүдэд газрыг “grant” буюу түр ашиглуулах эрх олгодог.
Энэ нь түрээс биш, өмчлөл шилжүүлсэн хэрэг ч биш.
Хэрэгцээ дууссаны дараа газар буцаан Солонгост өгнө.
Тиймээс АНУ газар өмчлөх эрх авах боломжгүй.
Мэргэжилтнүүдийн тайлбарЦэргийн шинжээч Пак Вон Гон: Трампын “ownership” гэсэн яриа нь үнэн хэрэгтээ улс төрийн шахалт. Өмнөд Солонгосыг АНУ-ын цэргийн зардлыг илүү их хуваалцах шахалт гэж үзэж байна. Газрыг АНУ-д өмчлүүлэх нь цэрэг стратегийн хувьд ч АНУ-д ашиггүй, “стратегийн уян хатан байдлыг” хязгаарлана.
Зардлын хуваарилалт: 2026–2030 оны батлан хамгаалах зардлын хамтын тохиролцооны дагуу Өмнөд Солонгос 2026 онд АНУ-ын цэргийн байршуулалтын төлбөрт 1.52 их наяд вон (~1.1 тэрбум $) төлнө. Энэ нь өмнөх жилээс (1.4 их наяд вон) өссөн дүн.
Дүгнэлт:Трампын хэлсэн шиг АНУ Өмнөд Солонгос дахь баазын газрыг өмчлөх боломжгүй. Энэ нь хууль, улс төрийн хувьд боломжгүй бөгөөд зөвхөн хамтран хамгаалалтын зардлын талаархи шахалтын нэг хэлбэр юм.
