Өмнөд Солонгосын засгийн газар ирэх жил томоохон ордонууд болон хааны бунхны орох тасалбарын үнийг нэмэх боломжийг судалж байна гэж албаны хүмүүс баасан гарагт мэдээллээ. Одоогийн үнэ дэлхийн жишигтэй харьцуулахад хямд, мөн зочдын хандлага өөрчлөгдөж байгааг тэд онцолж байна.
Ингэвэл 20 жилийн дараах анхны өөрчлөлт болох юм. Одоо Кёнбок ордон болон Чандок ордонд насанд хүрэгчдийн тасалбар 3,000 вон (US$2.20), ЮНЕСКО-гийн жагсаалтад багтдаг Жонмё сүм, Чангьён ордон, Дэоксу ордон 1,000 вон байна. Жосоны үеийн хааны бунхны үнэ насанд хүрэгчдэд 500-2,000 вон байдаг.
Хувийн National Heritage Planning and Evaluation Institute-ийн тэргүүн Ким Жэ-гю саяхан Korea Heritage Service-ийн зохион байгуулсан олон нийтийн форум дээр Солонгосын ордон, бунхны хураамж олон улсын жишгээр ч маш бага гэж хэлжээ. Тэрээр Францын Версаль ойролцоогоор 9 Big Mac, Японы Ниожо цайз 1.2 Big Mac-тэй дүйхүйц гэж жишээлсэн бол Кёнбок, Чандок ордны үнэ Big Mac-ийн хагас орчимтой тэнцэж байгааг дурдсан байна.
Кимийн хэлснээр 2025 онд Солонгосын дөрвөн том ордон, Жонмё, хааны бунханд нийт 17.81 сая орчим хүн зочилсон бөгөөд тэдний 69 орчим хувь нь үнэ төлбөргүй хөтөлбөрөөр оржээ. 2024 онтой харьцуулахад зочдын тоо 12.9 хувь өссөн ч төлбөртэй зочдын тоо 5.2 хувиар буурч, тасалбарын орлого 4.1 хувиар багассан байна.
Тэр мөн сүүлийн үеийн жуулчид зүгээр хадгалалт, арчилгаанаас илүүтэйгээр илүү хялбар ойлгомжтой тайлбар, харилцан оролцоотой үйл ажиллагаа хүсдэг болсон гэжээ. “Бид боломжийн хураамжийн талаар хамтаараа хэлэлцэх хэрэгтэй” гэж тэр хэлсэн байна.
Форумын үеэр Heritage Service-ийн танилцуулсан санал асуулгад ордны зохистой дундаж үнэ 9,203 вон, хааны бунханд болон Жонмёд 7,196 вон байх ёстой гэж гарчээ. Энэ нь одоогийн 1,000-3,000 воны түвшнээс гурав гаруй дахин өндөр үзүүлэлт юм.
Зарим оролцогч үнийг нэг дор огцом нэмэхээс илүү үе шаттайгаар өсгөхийг санал болгосон байна. Ордон, бунхны тасалбарын үнэ 2005 оноос хойш өөрчлөгдөөгүй. Энэ оны 1-6 дугаар сард дөрвөн том ордон, Жонмёд 7.41 сая орчим хүн зочилсон гэж албаны хүмүүс мэдээлжээ.
Royal Palaces and Tombs Center-ийн тэргүүн Чо Кю-хён форум дээр “Үндэсний өвийг тогтвортой хамгаалж, ашиглахын тулд одоогийн хураамжийн тогтолцоог нухацтай дахин авч үзэх цаг болсон” гэжээ. Тэрбээр мөн “Бид янз бүрийн байр суурь, саналуудыг авч үзнэ” гэсэн байна.
Эх сурвалж: Yonhap News
