Хойд Солонгос бямба гарагт Зүүн тэнгис рүү үл мэдэгдэх пуужин харвасан гэж Өмнөд Солонгосын арми мэдээллээ.
Өмнөд Солонгосын Зэвсэгт хүчний жанжин штаб энэ харвасан зүйлийг илрүүлсэн ч, нарийвчилсан мэдээлэл өгөөгүй байна. Одоогоор шинжилгээ үргэлжилж байгаа гэж мэдэгдэв.
Энэ удаагийн харвалт нь Өмнөд Солонгос, АНУ, Японы талууд энэ долоо хоногт Жэжү арлын өмнөд болон зүүн хэсгийн олон улсын усанд таван өдрийн Freedom Edge хамтарсан сургуулилалтаа дуусгасны дараа болов.
Өнгөрсөн сард АНУ-ын Ерөнхийлөгч Дональд Трампын тушаалаар Ulchi Freedom Shield жил бүрийн хамтарсан сургуулилалтыг багасгасан ч Freedom Edge сургуулилт төлөвлөгөөний дагуу үргэлжилсэн байна.
Трамп өмнө нь АНУ, Өмнөд Солонгосын хамтарсан сургуулилалтыг “өндөр зардалтай” төдийгүй Хойд Солонгос руу “бүрэн зохисгүй, дайсагнасан” дохио өгдөг гэж хэлж, бууруулахыг тушаасан юм.
Энэ удаагийн харвалт нь энэ сарын сүүлээр Вашингтонд болох төлөвтэй байгаа Дональд Трамп, Хятадын дарга Ши Жиньпин нарын дээд хэмжээний уулзалтын өмнө болов. Уулзалтын үеэр Хойд Солонгосын асуудал мөн хэлэлцэх сэдвүүдийн нэг байх төлөвтэй байна.
- 📌 Монголчуудад хамаарах нь: Өмнөд Солонгост ажиллаж, сурч, амьдарч буй монголчуудын хувьд ийм төрлийн пуужингийн туршилтын үед албан ёсны мэдэгдэл, орон нутгийн аюулгүй байдлын мэдээллийг дагаж, шаардлагатай бол зорчих төлөвлөгөөгөө түр хойшлуулах нь зүйтэй.
Эх сурвалж: Yonhap News
#СолонгосМэдээ #MKOR #СолонгосХөтөч
