Сөүл хотын такси жолооч нар жуулчдаас 
хэт өндөр үнэ нэхсэн хэрэгт дахин шүүмжлэлд өртөөд байна. Энэ нь 
Японы нэгэн телевизийн мэдээний сувгаар орон нутгийн жолооч нэгэн япон сэтгүүлчээс хэт их үнэ нэхэж буй бичлэг нийтлэгдсэний дараа өрнөжээ.
Японы TBS телевизийн дижитал мэдээний платформ “News Dig”-ийн YouTube сувагт байршуулсан бичлэгт хоёр сурвалжлагч, нэг зураглаач жуулчин болж дүр эсгэн, 
Сөүл хотын төвийн Мёндун худалдааны гудамжаас баруун хойд хэсгийн зугаа цэнгэлийн төв болох Хонде хүртэл таксигаар явж буйг харуулжээ.
Мэдээллийн дагуу тухайн жолооч аяллын төлбөрийг 45,000 вон (
32 ам.доллар) гэж тогтоон, 
хөдөлгөөн их байгааг шалтгаан болгон дурдаж, аяллыг эхлэхээс өмнө таксины тоолуурыг унтраасан байна.
Сөүл болон түүний ойролцоох Кёнги муж, Инчон хотын хувьд энгийн таксины үндсэн тариф нь 1.6 км хүртэл 4,800 вон бөгөөд түүнээс хойш 132 метр тутамд 100 воны нэмэгдэл тооцогддог. Мёндунгаас Хонде хүртэл ойролцоогоор 10 км зайтай бөгөөд тухайн аяллын төлбөр ойролцоогоор 12,000 вон байх ёстой байв. Тиймээс жолооч жинхэнэ төлбөрөөс бараг 
дахин их мөнгө нэхжээ.
Хонде хүрэхэд жолооч аяллын төлбөрийг 45,000 вон гэж мэдэгдэж, хэрэв бэлнээр төлбөл 40,000 вон-оор тооцож болохыг санал болгосон байна. Сэтгүүлчид картаар төлбөр хийж, баримт шаардахад жолооч татгалзжээ.
Дараа нь жолооч сэтгүүлчдээс холбоо барих мэдээлэл солилцохыг хүсч, 
1 хүний 10,000 иен (68 ам.доллар)-оор казинод хүргэж өгч чадна гэж санал болгосон байна.
Сурвалжлагчид өөрсдийгөө мэдээний ажил хийж байгаагаа хэлж, хэт өндөр үнэ нэхсэнийг нь шүүмжилсний дараа жолооч өмнө нь Мёндун дахь захиалга нь цуцлагдсан тул 
цаг, 
мөнгө алдсан гэж өөрийгөө өмгөөлжээ.
Энэ бичлэг олон нийтэд хүрсний дараа зарим солонгос хэрэглэгч:
“Жолоочийн үнэмлэхийг нь хураах хэрэгтэй”, “Энэ нь Солонгосын нэр хүндийг унагаж байна” гэх мэт сэтгэгдэл үлдээжээ.
Тухайн жолооч Сөүл хотын захиргааны явуулж буй тусгай шалгалтын үеэр илэрч, торгууль ногдуулсан байна. Наймдугаар сарын 6-наас эхлэн хотын захиргаа гадаадын жуулчдад шударга бусаар ханддаг такси жолоочдыг илрүүлэх зорилгоор 100 хоногийн тусгай шалгалт явуулж байгаа бөгөөд шалгалтыг 
нисэх буудал болон 
Сөүл хотын гол жуулчны газруудад хийж байна.
Жолоочид ногдуулсан торгуулийн хэмжээг нийтэд мэдээлээгүй ч, Сөүл хотын дүрмийн дагуу:
Эхний зөрчилд 200,000 воны торгууль
Хоёр дахь удаад 400,000 воны торгууль + 30 хоногийн түдгэлзүүлэлт
Гурав дахь удаад 600,000 воны торгууль + үнэмлэхийг хураана.
Нөгөө талаар, энгийн шалгалтын үеэр эрх баригчид энэ оны зургадугаар сарын эцэс хүртэл:
гадаадын жуулчдаас хэт өндөр үнэ нэхсэн 139 тохиолдол
богино зайн унаанд татгалзсан 109 тохиолдол-ыг илрүүлжээ.———————————————
