БНСУ-ын Хилээр Нэвтрэх Хуудас (Arrival Card) – Яаж зөв бөглөх вэ?

Гадаад иргэд БНСУ-д нэвтрэхдээ заавал бөглөх бичиг баримт.

Онгоцонд эсвэл нисэх буудлын “Бичиг баримт бөглөх” хэсэгт авах боломжтой.

Англи болон Солонгос хэлээр бөглөнө.

Оршин суух газрын мэдээлэл-Визэнд мэдүүлсэн болон Arrival Card-т бичсэн хаяг зөрөхгүй байх ёстой. Зочид буудал, түр оршин суух газар эсвэл танил хүний хаяг тодорхой, гарцаатай байх. Жишээ: Lotte Hotel Seoul, 30 Eulji-ro, Jung-gu, Seoul

Хилийн байцаагч хаяг болон утасны дугаарыг шалгаж, баталгаажуулах боломжтой.

Зочид буудалд байрлах бол урьдчилгаа төлбөрөө төлж, захиалгаа баталгаажуулсан байх хэрэгтэй.

Холбоо барих утасны дугаар

Өөрийн, зочид буудлын эсвэл БНСУ-д буй танил / төрөл садны дугаар.

Визийн хүсэлтэнд өгсөн дугаар болон Arrival Card-т бичсэн дугаар зөрөхгүй байх.

Хилийн шалган нэвтрүүлэх үед утасны эзэнтэй холбогдох боломжтой байх.

Зорчих зорилго-Сонголтууд:

Аялал жуулчлал (Tourism)

Ажил хэрэг / бизнес (Business)

Зочлох (Visiting)

Хөдөлмөр эрхлэлт (Employment)

Бусад

Зорилго визийн статустайгаа нийцсэн байх шаардлагатай.

Визийн дагуу шаардлагатай бичиг баримтыг биедээ авч явах нь зүйтэй. Энгийнээр хэлбэл, Arrival Card-т бичсэн мэдээлэл виз болон бодит байдлын дагуу үнэн зөв, тодорхой байх нь хилийн шалган нэвтрүүлэхэд асуудалгүй орох гол түлхүүр юм.