Өмнөд Солонгосын ажилчдын талаас илүү нь ажилдаа хиймэл оюун ухаан (ялангуяа generative AI) ашиглаж байгаа нь АНУ-ын түвшнээс хоёр дахин өндөр үзүүлэлт гэж Банк оф Кореагийн судалгаанд дурджээ.
Судалгааны гол үр дүнСолонгосын ажилчдын 63.5% AI хэрэглэж үзсэн, 51.8% ажилдаа ашиглаж байгаа.
АНУ-д энэ тоо 26.5% байна.
AI ашигладаг Солонгос ажилчид дунджаар долоо хоногт 5–7 цаг AI-д зарцуулдаг нь ажлын 12–17%-тай тэнцэнэ. (АНУ-д 1–5%).
78.5% нь өдөр бүр дор хаяж нэг цаг AI хэрэглэдэг. (АНУ-д 31.8%).
Интернэтээс ч хурдан өсөлт1990-ээд онд Солонгост интернэт нэвтэрснээс 3 жилийн дараа хэрэглээ 7.8% байсан бол AI 3 жилд 60%-д хүрсэн байна.
Энэ нь Солонгосын өндөр дижитал дэд бүтэц, AI-г бараг бүх мэргэжилд ашиглаж болдгоор тайлбарлагдаж байна.
Хамгийн өргөн хэрэглэгдэж буй AIChatGPT хэрэглэгчдийн 67.8% ашигладаг бол Google Gemini 19.5%-д хүрч байна.
Солонгос нь АНУ-ын дараа ChatGPT-ийн төлбөртэй хэрэглэгчийн тоогоор дэлхийд 2-т оржээ.
Цаг хэмнэлт ба нийгмийн нөлөөAI хэрэглэгчдийн ажлын цаг дунджаар долоо хоногт 1.5 цагаар багассан.
Энэ хугацааг бүтээмжид ашигласан бол AI 2022 оноос хойш Солонгосын ДНБ-ийг нэг хувиар өсгөх боломжтой байжээ.
Гэхдээ олон хүн хэмнэсэн цагийг чөлөөтөд ашигласан байх магадлалтай.
Шинэ ажилчдад AI хамгийн их цаг хэмнэж, туршлагатай ажилтантай харьцах зөрүүг багасгажээ.
Сөрөгөөс илүү эерэг хандлагаСудалгаанд оролцогчдын 48.6% AI нийгэмд эерэг нөлөөтэй гэж үзсэн бол 17.5% сөрөг гэж үзжээ.
AI хэрэглэдэг хүмүүсийн дунд өөдрөг үзэл илүү өндөр (53.6%).
Ажилчдын 33.4% цаашид сургалт хийж суралцах төлөвлөгөөтэй, 31.1% ажил сольж магадгүй гэж хариулсан.
32.3% нь үндэсний AI хөгжлийн санд хувь нэмэр оруулахад бэлэн гэсэн ба ингэснээр 5 жилийн дотор 27.3 тэрбум ам.доллар цуглуулах боломжтой гэж тооцоолжээ.
