СӨҮЛ, 3-р сарын 19 (Yonhap) – Өмнөд Солонгосын зээлийн картын компаниудын нийт цэвэр ашиг өнгөрсөн онд өмнөх оноос 0.3 хувиар өсөж, 2.59 их наяд вон (1.79 тэрбум ам.доллар)-д хүрсэн талаар Санхүүгийн Хяналтын Албанаас (FSS) мэдээллээ.
Тэдний нийт орлого 5.3 хувиар буюу 1.43 их наяд воноор өсөж, 28.21 их наяд вон болсон байна. Харин чанаргүй ангилалд багтсан зээлийн харьцаа 1.16 хувь болж, өмнөх оноос 0.02 пунктээр нэмэгджээ.
Нөгөөтэйгүүр, зээлийн картын компаниудаас бусад тусгайлсан санхүүгийн компаниудын нийт цэвэр ашиг 2.49 их наяд вон болж, өмнөх оноос 7.9 хувиар буурсан байна. Эдгээр 181 тусгайлсан санхүүгийн компаниудад лизинг, зээлийн санхүүжилт, шинэ технологийн хөрөнгө оруулалтын бизнесүүд багтжээ.
