Хүргэлтийн аппликейшнүүд хэрэглэгч өөрөө очиж авах захиалгад (посын захиалга) хүртэл шимтгэл авах шийдвэр гаргасантай холбоотойгоор бизнес эрхлэгчдийн дунд эсэргүүцэл нэмэгдэж байна.
Хүргэлтийн томоохон платформ болох 배달의민족 (Baemin) ирэх 4-р сарын 14-нээс эхлэн посын захиалгад 6.8%-ийн шимтгэл ногдуулахаа мэдэгдсэн. Компаниас “Посын захиалга нэмэгдэх нь бизнес эрхлэгчдийн орлогыг сайжруулна” гэж тайлбарласан ч олон рестораны эзэд уг шийдвэрийг шүүмжилж, апп ашиглахаа зогсоох талаар хэлж байна.
Сувон хотод Хятад хоолны газар ажиллуулдаг нэгэн эзэн “Хэрэв посын захиалгад хүртэл шимтгэл авах бол бид хүргэлтийн апп ашиглахгүй, зөвхөн утсаар захиалга авна” хэмээн ярив. Тэрээр “Хоолны үнийн дүнгээс хүргэлтийн шимтгэл, татвар, савлагааны зардал хасагдахаар ашиг бараг үлдэхгүй” гэж онцолжээ.
Ийм байр суурийг бусад олон рестораны эзэд мөн илэрхийлж байгаа бөгөөд нэгэн Азийн хоолны газрын эзэн “Посын захиалга угаасаа тийм ч их байдаггүй. Харин ч хүргэлтийн захиалга давамгайлдаг тул энэ нэмэлт шимтгэл бизнес эрхлэгчдэд улам хүнд дарамт учруулна” гэжээ.
Хэрэглэгчийн эрхийг хамгаалах байгууллагууд уг шийдвэрийн талаар анхаарал хандуулж эхэлсэн байна. Солонгосын Хэрэглэгчийн Эрхийн Сүлжээ мэдэгдэл гаргаж, “Посын захиалгын шимтгэл нь эцсийн дүндээ хоолны үнийн өсөлтөд хүргэж болзошгүй” хэмээн онцолжээ. Түүнчлэн, “Засгийн газар хүргэлтийн апп-уудын дангаараа гаргаж буй бодлогыг хянаж, шударга өрсөлдөөнийг хангах арга хэмжээ авах ёстой” гэж мэдэгдсэн байна.
Эх сурвалж: 중부일보 (Joongboo Ilbo)
