Солонгосын Хууль зүйн яам 2025.3.20-ны өдөр албан ёсны мэдэгдэл гаргаж, гадаад иргэншилтэй хүүхдүүдийн боловсрол, цаашдын ажиллаж, амьдрах эрхийг хамгаалах шинэчлэл хийснээ зарлалаа.
Гол өөрчлөлтүүд:
Солонгост төрж, өсөж, суурь боловсрол эзэмшсэн хүүхдүүд дээд сургуульд ороогүй ч насанд хүрсний дараа ажиллах, оршин суух виз авах боломжтой боллоо. Солонгосын ЕБС-д 6-аас дээш жил сурсан хүүхдүүдийн “суралцах эрхийг хангах” визийн хугацааг 3 жилээр сунгаж, 2028.03.31 хүртэл хүчинтэй болгожээ. Насанд хүрсэн хүүхдүүдийн визний нөхцөл:
18-24 настай байх. 18 хүрээгүй бол Солонгост 7 жилээс дээш хугацаагаар амьдарсан байх. Бага, дунд, ахлах сургуулийг төгссөн байх.
Эдгээр нөхцөлийг хангаж буй хүүхдүүд дараах визүүдийг авах боломжтой: E7-Y – Ажиллах эрхтэй виз. D10 – Ажил хайх виз. F-2R – Хүн ам буурч буй орон нутагт 4 жилээс дээш хугацаанд ажиллаж, амьдарвал оршин суух эрхтэй виз. Хүүхдийн сурах эрхийг хамгаалах нэмэлт дэмжлэгүүд: D4 виз – Гадаад хүүхдүүдэд сурах виз. G1 виз – Асран хамгаалагч болсон эцэг, эхэд олгох дагалдах виз. Эцэг эх нь ХЗЯ-ны “Нийгмийн нэгдсэн хөтөлбөр”-т хамрагдан ажиллах эрхтэй болно! Хууль зөрчсөн эцэг эхэд үзүүлэх хөнгөлөлт:
Торгуулийн 70%-ийг хөнгөлөх. Боломжгүй тохиолдолд төлбөрийн асуудлыг харгалзан үзэх. Мөн бага насны дүү нар нь 6 жил сураагүй байсан ч G1 виз авах боломжтой боллоо.
Өнгөрсөн 3 жилийн хугацаанд нийт 2,713 хүнд энэ визийг олгожээ.
Үүнээс: Хүүхэд – 1,205 Эцэг эх – 1,508 Хүүхдүүдийн ангилал: Бага сургууль – 926 Дунд сургууль – 154 Ахлах сургууль – 105 Төгсөгч – 20
Ким Сог Ү (ХЗЯ-ны сайдын үүргийг түр орлон гүйцэтгэгч) 3/21-с эхлэн шинэ визийг авсан сурагчдын сургуулиар зочилж, багш, сурагчидтай уулзан, бодит нөхцөл байдалтай танилцах төлөвлөгөөтэй байна.
Энэ шинэчлэл нь олон гадаад хүүхдийн ирээдүйг хамгаалж, Солонгос улсад ажиллаж, амьдрах боломжийг илүү нээлттэй болгож буй томоохон алхам боллоо! 
