Монгол Улсын хилийн цэргийн тусгайгийн бэлтгэл офицер, спортын мастер Х.Баттүшиг Тайваньд болсон Дэлхийн мастеруудын спортын X наадамд (World Masters Games 2025) түүхэн амжилт гаргаж, эх орондоо анхны алтан медаль авчирлаа.
Тэрбээр 40–44 насны ангилалд хөнгөн атлетикийн хамгийн хүнд төрөл болох 10 төрөлт (декатлон)-д хүч үзэж, Монголын түүхэнд анх удаа олон улсын тавцангаас алтан медаль хүртлээ. Мөн уртын харайлтын төрөлд 27 тамирчинтай өрсөлдөн хүрэл медаль хүртсэн байна.
🏃 Х.Баттүшиг нь бусад монгол залуусын адил өглөөнөөс орой болтол Солонгост ИСА хийдэг ч мөрөөдлөө биелүүлэхийн тулд сүүлийн хоёр жил тасралтгүй бэлтгэл хийж, зорилгодоо хүрч чадсандаа туйлын их баяртай байгаагаа илэрхийлжээ.
✨ Түүний ээж Э.Хүүхнээ ч мөн адил гайхамшигтай амжилт үзүүлж:
-
Уртын харайлт – Мөнгө
-
Өндрийн харайлт – Мөнгө
-
Дүүгэр (Triple Jump) – Хүрэл
-
4х100 метрийн буухиа гүйлт – Мөнгө медаль
тус тус хүртжээ.
🗓 2025 оны 5-р сарын 17–30-ны хооронд Тайванийн Тайпэй болон Шинэ Тайпэй хотуудад болсон энэхүү наадамд 108 орны 25,000 гаруй тамирчин оролцсон бөгөөд дэлхийн олон орны тамирчид онцгой амжилт үзүүлсэн байна. Жишээлбэл:
-
105 настай Тайландын тамирчин 4 алтан медаль хүртсэн
-
Энэтхэгийн хүүхдийн эмч хоёр медаль хүртсэн
-
Индонезийн нэртэй бадминтоны тамирчид 50-аас дээш насны хосын төрөлд хүрэл медаль хүртсэн гэх мэт.
🇲🇳 Харин Монгол Улсаас:
-
Гавьяат тамирчин Раднаа гуай
-
Ээж, хүү хоёр тамирчин Э.Хүүхнээ, Х.Баттүшиг нар
төрөл бүрт оролцож, алт, мөнгө, хүрэл медаль хүртсэн бахдам амжилт гаргалаа.
🥇 Монголын нэрийг дэлхийн тавцанд мандуулсан ээж, хүү хоёрт гүн талархал илэрхийлж, цаашдын спортын замналд нь өндөр амжилт хүсье!
