СӨҮЛ, 2025.03.18 (Yonhap) – БНСУ-ын Байгаль орчны яамнаас мэдээлснээр, H5 төрлийн шувууны ханиадын антиген зэрлэг хөхтөн амьтны сэг дээр илэрсэн байна. Энэ нь тус улсад бүртгэгдсэн анхны тохиолдол юм.
Шувууны ханиадын антиген нь Сөүлээс 277 км-ийн зайд орших Хвасун хотын усан сангийн ойролцоо үхсэн байсан зэрлэг ирвэс муурын биед илэрсэн гэж яам мэдээлэв.
Үүний дагуу холбогдох төрийн байгууллагуудад мэдэгдэл хүргүүлж, яаралтай тахлын эсрэг арга хэмжээ авсан байна.
Антиген нь өндөр хоруу чанартай эсэхийг тодорхойлоход таван хоног шаардлагатай гэж мэргэжилтнүүд үзэж байгаа аж.
Онолын хувьд, халдвар авсан шувууг идсэн хөхтөн амьтан шувууны ханиадын антиген агуулж байх боломжтой гэж тайлбарлажээ.
